Araban bi lurrikara erregistratu dira goizaldean, Maeztun eta Trebiñun

Erredakzioa 2021eko otsailaren 20a

Geografiako Institutu Nazionalak eman du lurrikaren berri. / IGN

Larunbat goizaldean bi mugimendu sismiko erregistratu dira Izkiko Parke Naturalean: lehena Arraia-Maeztun, eta bigarrena Trebiñun. Richter eskalan 2.1 graduko magnitudea izan dute biek.

Maeztuko mugimendu sismikoa 4:40ean jazo da, eta 11 minutu beranduago, 4:51n, Trebiñukoa. Geografiako Institutu Nazionalak jakinarazi duenez, bigarrena 12 kilometroko sakoneran izan da, baina ez du Maeztukoaren sakoneraren berri eman.

Hiru graduko magnitudea baino txikiagoko lurrikara mota hauek ez dira larriak eta ez dira nabaritzen, baina Geografiako Institutu Nazionalak erregistratzen ditu.

Registrados de madrugada dos movimientos sísmicos:
- 2.1º al SW de #Arraia_Maeztu Álava, a las 03:40 UTC, 04:40 hora local.
- 2.1° al este del Condado de #Treviño Burgos, a las 03:51 UTC, 04:51 hora local.#terremoto #Lurrikara

Más información: https://t.co/N0v83QY5vN pic.twitter.com/jfa55dQGFq
— VOSTeuskadi (@VOSTeuskadi) February 20, 2021

Gizartea

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago