1.080 euroko gutxieneko pentsioa, pentsio funtsa ez pribatizatzea eta iraunkortasun faktorea ezabatzea dira, besteak beste, Euskal Herriko pentsiodunen mugimenduak larunbat honetan kalean berretsiko dituen aldarrikapen nagusiak. Dagoeneko hiru urte daramatzate astelehenero herriz herri mobilizatzen.
Hala, Araba, Bizkaia, Gipuzkoa eta Nafarroako pentsiodunen koordinakundeek batera egingo dituzte manifestazioak, lau hiriburuetan eta herriz herri. Mugikortasuna mugatzen duten neurriak direla eta, Araban bi mobilizazio izango dira 12:00etan: Gasteizen, Artium Museotik; eta Laudion Herriko plazatik.
Herri mugimenduko eragile ugarik mobilizazioarekin bat egingo dute: Eskubide Sozialen Kartako eragile eta sindikatuak, gazte mugimendua, mugimendu feminista, AHTren aurkako Orain Ardura plataforma, auzo elkarteak eta abar luze bat. Gainera, Arabako Pentsionistak Lanean elkarteak jendarte osoari dei egin dio manifestazioan parte hartzeko, jendetsua izan dadin.
Otsailaren 13an manifara goaz.
— Arabako Pentsionistak Lanean (@arabakozaharrak) February 10, 2021
PENTSIONISTAK AURRERA! pic.twitter.com/V64MZTAFr7