Pandemiaren ondorioz EAEk bizi duen egoera kezkagarriaren aurrean, ostiral honetan izan da LABIren bilera, neurri murriztaile berriak hartzeko.
Autonomia erkidego guztien arteko Lurraldearteko Kontseiluaren bilera adostasunik gabe amaitu zen asteazkenean, eta, beraz, Osasun Ministerioak baztertu egin zuen etxeratze agindua aurreratzeko aukera. Ondorioz, gaur egun indarrean dagoen alarma egoeraren dekretuari egokitutako neurriak hartzera behartuta daude autonomia erkidegoak.
LABIren bileraren ostean, Gotzone Sagardui Osasun sailburuak eman du Eusko Jaurlaritzak ezarriko dituen neurri murriztaileen berri.
Honako hauek dira astelehenetik aurrera —urtarrilak 25— EAE osoan indarrean sartuko diren neurriak; gutxienez 20 egunez mantendukoo dira, otsailaren 13ra arte:
- Udalerri guztien konfinamendu perimetrala, eremu gorrian izan ala ez; ezin da udalerritik irten justifikaziorik gabe —lana, ikasketak, osasuna, senideen zaintza, ezinbesteko kausa...—, ezta udalerri mugakide batera joateko ere.
- Gehienez, lau pertsona arteko topaketak.
Bestalde, orain arte indarrean zeuden neurri nagusiak mantenduko dira:
- EAEren zein lurralde historikoen konfinamendu perimetrala.
- Etxeratze agindua: mugikortasunaren muga 22:00etatik 6:00etara.
- Merkataritza eta kultura jardueren etetea 21:00etan.
- Ostalaritza orain arte bezala mantenduko da: itxiera 20:00etan; lokaletik etxera eramateko zerbitzua 21:00ak arte mantendu daiteke; etxeko zerbitzua 22:00ak arte.
- Intzidentzia tasa metatua 500 kasutik gorako udalerrietan, ostalaritza itxi beharko da eta eskola kirola zein profesionala ez den taldeko kirola eten egingo da.
- GIDA PRAKTIKOA: Zer egin daiteke Araban (eta zer ez) urtarrilaren 13tik aurrera?