Zaila izan da Araba izoztua neguko argazki lehiaketara aurkeztutako 146 argazkien artean aukeratzea. Aurkeztutako lanetako askok merezi zuten saria, eta publikoak boto bidez hautatu du Valentin Perezen Hezegune izoztua argazkia. Horrez gain, boto kopuruagatik bigarren postuan gelditu den Asier Elorzaren Aramaio argazkia hautatu du ALEAko epaimahaiak.
Horrenbestez, bi irabazle atera dira lehiaketatik, eta Errigorako saski bat eramango du bakoitzak.
Mila esker parte hartu duzuen guztioi, eta hurrengo lehiaketetan parte hartzera gonbidatzen zaituztegu.
Araba izoztua
Egunotan, Araba izoztua neguko argazki lehiaketa antolatu dugu ALEAn, urte hasierako elurteek Araban utzitako irudiak biltzeko asmoz. Urtarrilaren 8tik 15era bitartean luzatu zen parte hartzeko epea, eta bozketa hilaren 20an itxi da.