AnHitzak 2020

"Uste baino jende gehiagok euskaraz jakin arren, aurreiritziak apurtu behar dira"

Azaroaren 26an, GEU elkartearen laguntzarekin, euskararen ezagutza, transmisioa eta erabilera izan ziren hizpide euskaldun talde txiki batean, AnHitzak topaketen bederatzigarren saioan. 

Gasteizko Hizkuntza Aniztasunaren Topaketetako bederatzigarren saioan parte hartu zuen euskaldun taldearen esanetan, "uste baino jende gehiagok euskara jakin arren, aurreiritziak apurtu, eta erabileraren traba diren lotsak gainditu behar dira". Mintzalaguna egitasmoko kide Mikel Querejetak laburbildu du saioa. Bere ustez, Gasteizko aniztasunak lagundu egin dio hizkuntzekin jarrera irekiagoa izaten.

AnHitzak, hizkuntza eta aniztasuna

2016an, lehen aldiz, AnHitzak Gasteizko Hizkuntza Aniztasunaren Topaketak antolatu ziren Oihaneder Euskararen Etxean. Aurtengo edizioan, osasun egoerak baldintzatuta eta segurtasun neurri bereziak tarteko, taldez talde ari dira garatzen.

Oraingoan ere, Gasteizko hizkuntza aniztasunaz, transmisioaz eta euskararekiko harremanez solasean ibili dira. Hurrengo asteotan, Euskaltzaleen Topaguneak eta Gasteizko Udalak topaketak publikoki aurkeztuko dituzte. Gainera, ALEArekin lankidetzan, saio guztien laburpenak bideoz jasoko dira, eta astean behin horietako baten berri izango duzue.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide