Garaipen garrantzitsua liderraren kontra

Iragan asteartean Alba Berlinen kontra jokatu zuen Baskoniak, eta min-hartutako jokalariz lepo zegoen taldearen kontra faborito izan arren partida galdu egin zuten gasteiztarrek. Burumakur egoteko arrazoiak zituen taldeak, lehen zortzien artean sartzeko aukera ederra galdu ostean. Baina gaurkoan oso bestelako irudia eman dute Ivanovicen taldeak.

Partida aparta jokatu dute Baskonia eta CKSA Euroligako liderrak. Oso maila altuko jokoa erakutsi dute bi taldeek, jokaldi ikusgarriak eskaini dituzte eta erritmo bizian aritu dira norgehiagoka osoan zehar. Partida bukaera parekatua aurreikusita, urduri egoteko arrazoia izan zezakeen Baskoniak, izan ere errusiarrak talde handia dira eta hil ala biziko minutuetan eskarmentu askoko jokalariak dituzte. Gaurkoan zortea lagun izan du Baskoniak, zorionez eta merezitako garaipena etxean uztea lortu dute azkenik. Garaipen soila baino gehiago, gaurkoak etorkizuna itxaropentsu ikusteko aukera emango dio taldeari.