Igandean, abenduaren 27an, hasiko da txertaketa kanpaina Arabako zahar egoitzetan. Erkidegoan, koronabirusaren aurkako 405 txerto jasoko dituzte, eta horien ostean, astelehenetik aurrera, 16.000 dosi banatuko dituzte astero. Espainiak Pfizer eta BioNTechen 4.591.235 dosi jasoko ditu hurrengo asteetan.
Zahar egoitzetako erabiltzaileak eta langileak izango dira koronabirusaren aurkako txertoa jasotzen lehenak. Araban, 5.300 laguni jarriko zaie txertoa lehenengo kanpainan. 2.800 langileri eta 2.500 egoiliarri, lurraldean dauden 89 egoitza publiko zein pribatuetako lagunei.
Arabak, Bizkaiak eta Gipuzkoak, guztira, Pfizerren 193.000 txerto jasoko dituzte hurrengo hamabi asteetan.