Gazteen artean euskarazko kultur sormena sustatzeko Batera deialdia du martxan Oihaneder Euskararen Etxeak, eta abenduaren 22an aurkeztuko den dokumentala 2019ko deialdian aukeratuetako bat izan zen. Erroak –Arabako herri txikietako dokumentala– aurkeztuko dute, hutsik geratzen ari diren Arabako herri txikietako egoera azaleratu nahi duen dokumentala: biztanle hauekin elkartu, egon eta beren egunerokotasuna islatu dute lanean.
Aurkezpenean antolatzaileak, babesleak eta sortzaileak izango dira, hau da, Oihaneder, Laboral Kutxa, Vital Fundazioa, Sergio Azkarate, Irati Lekue, Itziar Hormilla, Nefer Olaizola eta Erlantz Mata. Hilaren 22an, 20:00etan, Oihanederren.