Gabonetan, zirkoa eta antzerkia txikientzat

Sei eta hamar urte bitarteko haurrentzat izango da ikastaroa. / TAE

Abenduaren 28tik 31ra arte eskainiko du ikastaroa Eszena-Arte Tailerrak.

Jai egunak aproposak izan daitezke jolasa eta hezkuntza uztartzen dituzten ikastaroak antolatzeko. Eta hori da, hain zuzen, Gasteizko Eszena-Arte Tailerrak prestatu duena; beste urte batez, Gabonak aprobetxatuko ditu berriro jarduera berezi hau antolatzeko.

Abenduaren 28tik 31ra bitartean antzerkia eta zirkoa batzen dituen kurtsoa egingo dute, 6 eta 10 urte bitarteko haurrentzat, Errege-Erregina Katolikoak kaleko lokalean. Antzerkia eta zirkoa Gabonetan ikastaroa lau egunetan zehar izango da Gasteizko antzerki eskolan; txikiek oholtza eta talde-lana lantzeko, alde batetik, eta akrobazia, malabareak eta oreka-jokoekin gozatzeko aukera izango dute, beste alde batetik.

Eszena-Arte Tailerrak proposatuko du gorputz-jolasez betetako kurtsoa, euskara eta gaztelania nahastuz garatuko dena. Hitzordua goizez izango da egunero, 10:00etatik 13:00etara, eta, nola ez, neurri sanitarioak beteko dira. Argibide guztiak 945-28 45 42 telefonoan edota administracion@porpolteatro.com helbide elektronikora idatziz egin daiteke.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide