Aurtengo Haziaraba estimulazio goiztiarreko landa jaialdia eta Antzerkia Eskolara kanpaina arrakastaz amaitu dira. Lehenengoan, Teatro Paraisoren Kubik antzerki ikuskizunean, Bartzelonako Nazioarteko Zinemaldiko film laburretan eta joko instalazioan 1 eta 6 urte bitarteko umeak, familiak eta irakasleak elkartu dira. Antzerkia Eskolara egitasmoaren 35. edizioan, berriz, 33 ikastetxek parte hartu dute.
Teatro Paraisoko Pilar Lopezek erakundeen babesa eskertu du eta baita hezkuntza esparrutik izandako konplizitatea ere. Bi proiektuetan parte hartu dutenen lana goraipatu du honakoa azpimarratuz: "Guztion artean erakutsi dugu kultura segurua izateaz gain, beharrezkoa ere badela".