Urriaren 30ean itxi zen hautagaiak aurkezteko epea eta guztira saria jasotzeko 50 hautagai aurkeztu ziren. Horietatik bost izango dira aurtengo edizioan sarituak; eta bertatik bertara ekitaldia jarraitzeko aukerarik egongo ez bada ere, sari banaketa online ikusteko aukera eskaini nahi izan dute antolatzaileek.
Eremu sozioekonomikoan egindako euskararen kudeaketa baloratzeko irizpide ugari aintzat hartzen ditu epaimahaiak. Besteak beste: zerbitzua euskaraz emateko zein neurri hartzen diren, euskaraz lan egiteko baliabideak, kanpo komunikazioa, hizkuntza paisaia, etabar.
Arabako Foru Aldundiak antolatutako sari banaketa izaki, saridunek lurralde oreka mantentzeko egiten duten lana ere garrantzitsua da, edota Arabako gizartearen aurrean traktore lana egiteko duten gaitasuna. Aurten gainera ostalaritza edo merkataritza sektorekoak izatea, COVID 19ak kolpatutako sektoreak izanik, aintzat hartuko den beste irizpideetako bat izango da.
Sari-banaketa zuzenean streaming bidez
Sari-banaketa ekitaldia azaroaren 26an izango da, 18:00etan, Artium museoan. Ikuslerik ezingo da bertaratu eta zuzenean streaming bidez jarraitzeko aukera egongo da. Horretarako, interesa duen edonork aldez aurretik eskaera egin beharko du.
50 hautagaiak
- Amorrortu Osteopatia
- Arabako ALEA komunikazio taldea
- Aresketa Ikastola
- ARGI Argiztapena, Elektronika eta Markogintza
- Lansarean, euskarazko lan ataria
- ARTgia Sorgune Aretoa
- Dalvez Argitarazleak
- Bertako Igogailuak
- Lanabeseko talde eragilea
- Grafik Sarea Koop. Elkartea
- Hala Bedi Irratia
- Hitz Logopedia
- Hyundai Eska autokontzesionarioa
- Irribarre Zabalgana
- Bai Euskarari Elkartea
- Itzarri Enplegurako BGAE
- Leo Barañano Abokatua
- Lizarralde Soinua Txalaparta SL
- Lope de Larrea ikastola
- Aizpeolea Harategia
- Aldapa Taberna
- Askabide Klinika
- Autocares Sobrón
- AyG Asistencial
- Gasteizko Artis Kreativa eskulan denda
- Bionekazaritza
- Doitu Ofimatika
- Errota Hortz Klinika
- Hiruko Taberna
- Iturrienea Jatetxea
- Iturrieta Sagardotegia
- Museo del Organo Jatetxe begetarianoa
- Martinez de Rementeria farmazia
- Puente Farmazia
- Teklak - Komunikazio eta audientzien estudioa
- Txirrinduz
- Uriarte Industrial
- Albeniz Liburudenda
- EBA,SL.
- Ttipia Kultura
- Adigrafik (Sorpresa opariak)
- Kike Zurutuza
- Josu Santamaria. Larrateko
- Arabako Euskal Pilota Elkartea
- ARBEL kooperatiba (Aramaio)
- Kanpezuko tabernak, oro har
- Kanpezuko Ekobasterra denda
- Zaraobe Institutua
- ELKAR
- ASASAM