Udaletik jakinartazi dutenez, 2018-2023 Bide Segurtasuneko Udal Plan Estrategikoaren barruan, Udaltzaingoak bizikletak kontrolatzeko kanpaina berezia egingo du datorren astean, azaroaren 16tik 22ra bitartean.
Kanpaina honekin, zirkulazio-arauak betetzen direla, bizikletak igarotzea baimenduta dagoen guneak eta ordutegiak errespetatzen direla, 16 urtez azpikoek kaskoa erabiltzen dutela eta argiak erabiltzen dituztela zainduko dute udaltzainek. Era berean, bizikleten egoera kontrolatuko dutela azaldu dute; "izan ere, mantentze ona ezinbestekoa da segurtasunerako eta, bereziki, baldintza meteorologikoek bideen egoeran eragina dutenean".