Oionen dagoen Kupsa Coatings berniz enpresan sute bat hasi da 13:00etan, eta laster ke-zutabe handi bat sortu du inguruan, SOS Deiak-ek jakinarazi duenez. Lanean ari ziren pertsona guztiak ebakuatu dituzte; horietako bat ospitalera eraman behar izan dute zauri larriekin.
Sutearen ondorioz, El Puntillo industria gunea hustuarazi dute, eta Oiongo herritarrei etxean geratu eta leihoak ixteko gomendioa egin die Udalak, elementu toxikoekin lan egiten dutelako Kupsan. Era berean, Oiongo ikastetxeak familiei deitu die, une honetan jantoki-zerbitzuan dauden haurren bila joan daitezen.