Gran Canaria CB71 |
TD Systems Baskonia75 |
Ostiralean Bartzelonaren kontra jasandako porrotak min eman zion taldeari, eta gaurkoan aurreko jardunaldiko emaitza errepikatzeko zorian egon dira gasteiztarrak.
Hasiera batetik, partida txarra jokatu dute Ivanovicen mutilek. Erasoan erabaki egokiak hartu ezinda ibili dira gasteiztarrak, baloia mugitzeko gaitasunik gabe eta barne joko sendoagoa izangatik, errebotearen lehia galduta. Guzti horri, defentsa ahula gehituz ezkero, ezin esan merezitako garaipena izan denik Kanaria Handiaren kontra lortutakoa.
Baskoniaren zorionerako, aurrez aurre aurkitu duten taldea burumakur dabilen jokalari multzoa da. Izan ere, aspaldiko partez, lehen jardunaldian Bilbao Basketen kontra lortutako hartatik, garaipenaren bidea zein den asmatu ezinda dabiltza Porfi Fisacen mutilak.
Azken laurdenean, Baskoniak aurkariaren ahuldadea baliatu zezakeela ikusi da zenbait minututan, eta bost minuturen faltan, 12 puntuko aldea erdietsi dute gasteiztarrek (53-65). Garaipena bideratuta zegoela pentsatzen hasitakoan, berriz azaldu da ostiraleko mamua eta, beste behin, partida galtzeko zorian egon da taldea (70-69). Zorionez Kanaria Handiak ez du partida irabazten jakin, eta akatsak akats, Baskoniaren esku geratu da garaipena.