Segurtasun Sailak azaldu duenez, SOS Deiak zerbitzuak haizeagatik aktibatutako alerta laranjarekin lotutako 1.044 jarduketa kudeatu ditu astearteko 15:00etatik asteazkeneko 6:00etara. Jarduketa horietako 161 Araban izan dira, eta gehienak kalean eroritako zuhaitzekin eta haizeak mugitutako edo iraulitako edukiontziekin erlazionatuta zeuden.
Halaber, gorabehera gehienak —689— 15:00etatik 00:00etara jazo dira. Une horretatik aurrera, haizea baretu eta jarduketak gutxitzen joan dira pixkanaka.
Las fuertes rachas de viento de más de 100 km/h en la provincia de Álava han provocado incidencias en diferentes puntos de la provincia, desde caídas de árboles hasta el derribo de una torre de alta tensión. Teniendo que movilizar a los recursos disponibles para su resolución. pic.twitter.com/t0pZZPUbgX
— Arabako Foru Suhiltzaileak (@BomberosAraba) October 20, 2020
126 kilometro orduko
Lurraldeko gunerik irekienetako bat den Zaldiaran mendian eguneko boladarik indartsuena atzeman da. Gasteiztik 10 kilometro baino gutxiagora dagoen Euskalmeteko estazioak, 124,5 kilometroko neurketa egin zuen 23:00etan; eta goizaldean neurgailuak 126 kilometro orduko abiadura atzematera iritsi da.
Haizerik bortitzena mendi eta eremu irekietan izan da. Zaldiaranez gain, adibidez, Iturrietan eta Erroitegin (Arraia-Maeztu) ere 100 kilometro ordukoko muga gainditu da, 117,1 eta 101,6 kilometro ordukoko parametroekin, hurrenez hurren. Bestalde, Ilarduian (Asparrena) 88,6 kilometro ordukora iritsi dira, Beluntzan (Urkabustaiz) 85,4ra eta Kapilduin 93,5era.
Alerta laranja 9:00ak aldera amaitu da, baina lehenago, 3:00ak aldera, 84,7 kilometro orduko haize boladak izan dira Arabako hiriburuan, Gasteizen.
Numerosas salidas por viento, nada grave de momento pero sin parar desde la tarde de ayer. Video rotonda América Latina. pic.twitter.com/0FgdrzFCgS
— Bomber@s Gasteiz (@Bomberos_VG) October 21, 2020