Eva Garcia Saenz de Urturi idazle gasteiztarrak irabazi du 2020ko Planeta literatura saria Aquitania lanarekin; haren hitzetan, Il nome della rosa eleberriari egindako omenaldia, "Erdi Aroko thriller bat". Eleberria argitaratzearekin batera, 600.000 euroko saria jasoko du.
Idazleak, besteak beste, El silencio de la ciudad blanca eleberri arrakastatsua kaleratu zuen 2016an, eta ondoren pelikula ere egin zuten; mitologia eta kondairak, arkeologia, maitasuna eta krimenak nahasten dituen istorioa, eta Los ritos del agua eta Los señores del tiempo lanekin itxi duen obra.
Planeta saria koronabirusarekin hil diren pertsona guztiei eskaini die: "Kulturaren mundua bizirik aterako da pandemia honetatik, eta betiko moduan, aurrera egingo du".