Finantzen Euskal Kontseiluak egindako iragarpenen arabera, kolpe latza jasoko du diru bilketak aurten. Egindako aurreikuspenek diote Arabak 2.113 milioi euro bilduko dituela, aurreko urtean baino 337 gutxiago; %13,8ko beherakada izango da, beraz. Araba, Bizkaia eta Gipuzkoan jaitsiera pixkat txikiagoa da, %13,3koa.
Emaitzak, ordea, duela hilabete batzuk kalkulatutakoa baino hobeak direla aipatu dute; EAEn diru bilketa 3.000 milioi jaitsiko zela esan zuten pandemia hasieran, eta iaz baino 2.058 milioi euro gutxiago kalkulatzen dute orain. Errenta kanpaina espero baino hobeto joan dela esan dute, eta udan kontsumoak gorakada izan duela.
Aurrera begira, gainera, ekonomia "motel" haziko dela iragarri du Ramiro Gonzalez Arabako ahaldun nagusiak. Erkidegoan, aurten jaso daitezkeenak baino 838 milioi euro gehiago izan daitezke.