PCR proba masiboak egingo dituzte Sansomendin

Baheketa ostegunean hasiko da, 15:30ean, AUOko kanpoko kontsulten eraikinean. / OSI Araba

Koronabirusak gehien kolpatu duen auzoetako bat da; 17-60 urte bitarteko pertsonei egingo zaie proba.

Osakidetzak baheketa masibo bat hasiko du ostegun honetan Gasteizko Sansomendi auzoan. Eusko Jaurlaritzak prentsa-ohar batean jakinarazi duenez,  auzoko 17 eta 60 urte bitarteko bizilagunei PCR proba bat egiteko gonbita egingo zaie. Probak borondatezkoak dira, baina Osasun Sailak zaintza eta kontrola egin ahal izateko beharrezko laguntza eskatzen du.

Herritarrek hitzordua eskatu beharko dute auzoko osasun-zentroan edo Osasun Kontseiluaren telefonoan (900 203 050), eta, ostegunetik datorren astelehenera arte, aurrez hitzordua eskatu gabe ere joan ahalko dira Arabako Unibertsitate Ospitalera (AUO); 15:30ean hasiko dira probak.

Koronabirusak Gasteizen gehien kolpatu duen auzoetako bat da Sansomendi, intzidentzia tasa handiarekin. Azken astean, 100.000 biztanleko 200 kasu baino gehiago izan dira Sansomendiko osasun-eremuan.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide