Denboraldiko lehen porrota Baskoniarentzat

Ostiralean ezusteko garaipena lortu zuen Baskoniak Real Madrilen kontra, eta, gaur arratsaldez, Murtziaren kontra beste garaipen bat erraz lortu behar zutela pentsako zuten zaletu askok. Ez da horrelakorik gertatu, tamalez. UCAM Murtzia partidan sartuta egon da hasieratik eta merezitako garaipena eramango dute etxera Sito Alonsoren mutilek.

Baskoniak, aldiz, ez du partida osoan zehar erritmoa ezartzeko gaitasunik erakutsi eta horrela jokatuta oso zaila da gaur egun ACB ligako edozein talderen kontra garaipena lortzea. Aurreko egunean jokalari asko aritu ziren maila onean eta gaurkoan berriz jokalari bakar batek ez du erasoan protagonismorik hartu ahal izan.

Lanean jarraitu beharko dute gasteiztarrek, lehen jardunaldietako sentsazio onei jarraipena eman nahi badute.