Euskal Herriko Unibertsitateak jakinarazi du Farmazia Fakultateko irakasle batek positiboa eman duela Covid-19an, antza denez, ikasturte hasieratik eskolak maskararik gabe emateagatik.
Gertaeraren berri jakin bezain laster, EHUk aplikatu beharreko protokoloa jarri zuen abian, eta horren berri eman zion Osakidetzari. Isilpeko informazio espediente bat ireki zuen kasuaren xehetasun guztiak ezagutzeko, eta egon litezkeen erantzukizunak eskatzeko. Hamabost eguneko epean ebatziko dute espedientea.
EHUtik, era berean, unibertsitateko kide guztiei prebentzio eta segurtasun arauak betetzen jarraitzeko eskatu diete, eta "maskararen erabilera nahitaezkoa" dela gogoratu, pertsonen arteko distantzia edozein izanda ere.