Larrea eta Araiara joan dira gazta onenen sariak

Ordiziako frontoian egin dute sari banaketa. / Ordiziako Udala

Patxi Lopez de Uralde Fernandez izan da irabazlea, 1633,5 punturekin; 2003. urtean ere garaipena lortu zuen.

Ordiziako gazta txapelketak, Euskal Herrian ospatzen den ezagunenak, Larrea eta Araiara ekarri ditu aurten sari nagusiak. Pandemiaren eraginez, soilik parte hartzaileak, epaimahaia eta kazetariak izan dira ardi latxa gaztaren sariketaren lekuko herriko frontoian.

Lehenengo saria Larrea herrira joan da. Aurtengo Ordiziako Gazta txapelketako irabazlea Patxi Lopez de Uralde Fernandez izan da, 1633,5 punturekin; 2003. urtean ere garaipena lortu zuen. Eta bigarren saria Araiara: Unai Lekuona Ruiz de Luzuriagarentzat izan da, 1630,5 punturekin.

Irabazlearen gazta erdia 9.200 euroan saldu dute enkantean; Alberto Fernandezek (Tecnomoto) erosi du.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide