Berantevillan kokatuta dagoen aeronautikako plantaren langile-batzordeak ohar bidez arbuiatu du, iragan uztailean, enpresak iragarri zuen neurria, hain zuzen langileen %20 kaleratzeko asmoa. Enpresak "2021eko lehen seihilekora arte iraungo duen doikuntza" justifikatu egin du, "Covid-19 osteko egoerari" aurre egin behar diola argudiatuta. Langileek, aldiz, eskaeretan jazo den jaitsiera "guztiz koiunturala" dela adierazi dute, eta "denbora laburrean gainditzekoa".
Langileen irudikoz, "guztiz onartezina da jendartea pairatzen ari den egoera larri hau jendea kaleratzeko erabiltzea". Gainera, gogoratu dute sektore aeronautikoa guztiz estrategikoa dela, eta, hortaz, administrazio guztiei "inplikazioa" exijitu diete, konponbide bat aurkitzeko.