Magia lantegiak, hurbileko magia animazioa eta haurrentzako zein adinekoentzako magia emanaldiak barne hartzen dituen programa batekin, Arabako 15 herritan egingo da MagialdiAraba, Asier Kidam mago gasteiztarraren eskutik.
Magoak doako ikuskizun elebidunak eskainiko ditu, herriz herri. Herri bakoitzean magia tailerrak egingo dira euskaraz, 7 urtetik gorako harrentzat, baita animazioa ere, hurbileko magiaz, kalean bertan. Era berean, magia ikuskizun bat egongo da, euskaraz edo gaztelaniaz, Gasteizko magoaren eskutik.
Programa igande honetan, abuztuaren 30ean, hasiko da Murgian, eta hurrengo egunetan Arabako geografian barrena ibiliko da: Okondon, Ribabellosan, Artziniegan, Langraiz Okan, Villabuenan, Durruma Kanpezun, Zalduondon, Amurrion, Argantzonen, Samaniegon, Uribarri Gaubean, Larrazubinn eta Zambranan egingo ditu geldialdiak, eta Gesaltza Añanan amaituko da irailaren 13an.
MagialdiAraba proiektua Arabako Foru Aldundiko Kultura eta Kirol Sailak eta Vital Fundazioak finantzatzen dute, parte hartzen duten udalen laguntzarekin.
Egitaraua
- Abuztuak 30: Murgia
- Abuztuak 31: Okondo
- Irailak 1: Ribabellosa
- Irailak 2: Artziniega
- Irailak 3: Langraiz Oka
- Irailak 4: Villabuena
- Irailak 5: Durruma Kanpezu
- Irailak 6: Zalduondo
- Irailak 7: Amurrio
- Irailak 8: Argantzon
- Irailak 9: Samaniego
- Irailak 10: Uribarri Gaubea
- Irailak 11: Larrazubi
- Irailak 12: Zambrana
- Irailak 13: Gesaltza Añana