Amurrion, Artziniegan eta Iruña Okan kasu bana zenbatu dituzte gaur, Laudion sei positibo gehiago atzeman dira eta Gasteizen, berriz, 29 gehiago. Atzo baino sei kasu gutxiago dira herrialdean.
Osasun Sailak eguneroko oharrean emandako datuen arabera, egun sei pertsona daude zainketa intentsiboetako unitateetan ingresatuta. Gainera, ospitaleratze logela bereziak eta zaintza intentsiboetako unitateak prestatzen hasi da Osakidetza, datozen egunetan ospitaleratu behar dituzten COVID-19 gaixoen kopuruak gora egingo duela aurreikusten baitute.