1921. urtean sortutako Alaves taldeak armarri berria aurkeztu du, 2021eko urtarrilean beteko duen mendeurrenari hasiera emateko.
"Aurreko armarria 90. hamarkadan sortu zen eta ez zegoen diseinatuta euskarri eta plataforma digitaletan zabaltzeko", azaldu du Alaves-Baskonia taldeko diseinatzaile arduradun Asier Samaniegok; aurreko diseinuak bi urdin ezberdin zituen, eta kolore urdin bakarra berreskuratu nahi izan dute.
Klubak ohar batean azaldu duenez, "arabarren ikurraren eboluzio berri bat da, bizi dugun uneari leial izango zaiona eta klub historiko baten tradizioa alde batera utziko ez duena. Armarri berri, aldakor eta modernoa, jatorrizkoari keinu bat eginez ".
Alavesen 100 urteko ibilbidean, guztira zortzi aldaketa egin dira armarrian. Talde txuriurdinak, mailari eustea lortu ostean, Lehen Mailan bere hamaseigarren denboraldia biziko du 2020-2021 denboraldian, 100 urteko historia ospatuz.
????#AlavésIrudiBerria ???? pic.twitter.com/ZF4lXuxAr3
— Deportivo Alavés (@Alaves_eus) July 28, 2020