Nekane Murga Osasun sailburuak prentsaurrekoan baieztatu ditu asteburu honetan indarrean sartuko diren murrizketa berriak; EAEko ostalaritza establezimendu guztiei eragingo diete. Ondorioz, tabernak, jatetxeak eta diskotekak ezin izango dira 6:00ak baino lehen ireki, eta 1:30ak baino lehenago itxi beharko dira.
Diskoteken kasuan, gainera, edukiera %60ra mugatu beharko dute, ezin izango dute dantzalekurik erabili, eta segurtasun distantzia bermatzen duten mahaiak jarri beharko dituzte.
Tabernetan gehienez hamar pertsonako taldeak bildu ahal izango dira, eta, 00:00etatik aurrera, bakarrik terrazetan eserita kontsumitu ahal izango da kanpoaldean; Gasteizen dagoeneko araututa dagoen bezala. Gainera, 100 lagunetik gorako edukiera duten establezimenduek %80ra mugatu beharko dute.
Sailburuak berretsi du gazteen lonjetan edozein jarduera egiteko debekua, eta ez dagoela erromeriarik, musika emanaldirik edota antzeko ekitaldirik antolatzeko baimenik.