Bizkarra eman diote parke eolikoari

Iturrietako mendietan Iberdrolak eraiki nahi duen parke eolikoaren kontrako mendi martxa egin zuten joan den larunbatean, Aguraingo Latsarri gaztetxea eta Mendiak Aske plataformaren ekimenez. Goizean goiz abiatu ziren Alaitza herritik, San Juan portua igo eta Egileor herrian bukatu zuten. Ibilaldiarekin, makroproiektuak eragingo duen mendien pribatizazioa, industrializazioa eta ingurumenaren suntsiketa salatu dituzte. Onraita herriko dorre meteorologikoaren egitasmoa bertan behera geratu bazen ere, urtarrilean egindako eraso baten ostean dorrea behera bota eta gero, parke eolikoaren proiektuak aurrera jarraitzen du.