Paul Urkijoren 'Irati', bidean

'Irati' filmaren proiektua Canneseko Marche du Film egongo da. / IKUSGARRI FILMS

Errementari pelikularen ostean, film berri bat du esku artean Paul Urkijo zinemagile gasteiztarrak, eta Cannesko 2020 Zinemaldiko Marche du Film ataleko Fantastic 7 espazioan aurkezteko hautatu dute.

Berak idatzi eta zuzendutako euskarazko bigarren film luzea Irati izango da, eta Sitgeseko Zinemaldiak proiektu hori hautatu du Cannesko 2020ko Zinemaldiko Marche du Film ataleko Fantastic 7 espazioan aurkezteko; ekainaren 24an eta 26an izango da.

Fantastic 7 iaz sortu zuten etorkizuneko egileen lanei merkaturatzeko aukerak bilatzeko ekimen gisa. Ekainaren 24an proposamen guztien erakusketa egingo dute, eta 26an topaketa izango dute proiektuen egile eta ekoizle interesatuen artean.

Pertsonaia mitologiko eta misteriotsuak izango dira protagonista Urkijoren lan berri honetan. Laster berri gehiago iragarri ditu bere sare sozialen bitartez.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide