Ekaineko ostiraletarako jardunaldi bereziak antolatu ditu Erdi Aroko Araba elkarteak. Emakume izatea Erdi Aroan. Sexua, generoa eta boterea izeneko saio birtualak egingo dituzte ekainaren 5ean, 12an, 19an eta 26an, 19:00etan, elkartearen webgunean. Jardunaldi horien bidez, Erdi Aroko emakumeengana hurbildu nahi dute, "inolako aurreiritzirik gabe eta gaur egun haiei buruz ditugun estereotipoak salbatuz".
Emakumeek historian izan duten papera, beren garaian aurre egin behar izan zieten oztopoak eta, oro har, emakumeei buruz oraindik ditugun aurreiritziak birpentsatu nahi dituzte, elkartetik azaldu dutenez. Isabel Mellen, Gorka Lopez de Munain, Janire Castrillo eta Agurtzane Paz Moro izango dira hizlari saio hauetan; besteak beste, Erdi Aroko irudien esanahien inguruan arituko dira, edota Arabako noblezia izango dute solasgai. Gaztelaniaz izango dira hitzaldiak.