Joan den asteko bilera alderdien arteko akordiorik gabe amaitu ostean, Iñigo Urkullu lehendakariak gaur iragarriko du hauteskunde autonomikoen data.
Hauteskundeak deitu ahal izateko larrialdi egoera bertan behera utzi beharko du Eusko Jaurlaritzak, osasun krisialdi betean; legegintzaldia irailaren 25ean amaitzen da, eta, une honetan, lehendakariak ez du oposizioko alderdien babesik hauteskundeak uztailean deitzeko.
Uztaileko hiru igandetan egin daitezke hauteskundeak: 12an, 19an edo 26an; hipotesi nagusia 12a ospatuko direla da.
Hala ere, data baino, hauteskundeak deitzeko prozeduraren inguruko zalantzak argitu beharko ditu Urkulluk eguerdiko agerraldian.