Elhuyar | #NikEtxeanEsperimentuak

'Txoriak nire leihoan'

Gure lorategian, leihoan, balkoian edo terrazan txorientzako jantoki bat jartzea oso erabilgarria eta praktikoa izan daiteke, alpistearekin edo haziekin, hegazti basatiak erakartzeko eta haien kolore eta soinuez gozatzeko. Gainera, neguan bizirik irauten lagunduko diegu eta euritik babestuko ditugu. Azalpen-bideoa ikusi eta urratsak jarraituz egin txorientzako etxea.

Gure inguruan animalia asko bizi dira. Bakarrik arreta apur bat jarri behar dugu gurekin espazioa partekatzen duten animali horiek ezagutzeko. Mota askotako animaliak bizi dira gure artean baina denak ez dira erraz ikusten. Ikusten errezenak direnak txoriak dira.

Karnabak, txolarreak, txantxangorriak, enarak, zozoak, usoak,... denoi gustatzen zaigu hegaztiak gure inguruan ikusi eta entzutea, ezta?  Horregaitik, gure lorategian, leihoan, balkoian edo terrazan txorientzako jantoki bat jartzea oso erabilgarria eta praktikoa izan daiteke, alpistearekin edo haziekin, hegazti basatiak erakartzeko eta haien kolore eta soinuez gozatzeko. Gainera, neguan bizirik irauten lagunduko diegu, euritik babestuko ditugu eta dekorazioari ukitu esklusiboa emango diogu.

Zer behar dugu?

Mota askotako jantokiak egin daitezke (egurrezkoak, plastikoskoak, saredunak,...) eta milaka eredu topatuko dituzu sarean, baina proposatzen dizugun jantokia egiteko, etxean dituzun ontzi berrerabilgarriak eta birziklagarriak erabiltzea planteatzen dizugu. Horra gure txorien jantokia egiteko behar dituzun materialak:

  • Plastikozko botila bat.
  • Tetrabrik bat.
  • Jogurt pote bat.
  • Soka (lokarri zaharrak, adibidez).
  • Artazia eta kuterra.

Nola egin?

1. Plastikozko botila marraztu eta moztu. Lehenengo pausoan botila moztuko duzun lekuak marraztu behar dituzu: erditik mozteko marra horizontala, txoriek jateko erabiliko duten lehioa eta makila txertatzeko zuloa. Ondoren, markatu dituzun marrak moztuko dituzu.

2. Teilatua tetrabrikarekin eraiki. Tretarabrikaren teilatu itxurako goiko aldea moztu.

3. Jantokia muntatu. Beheko irudian agertzen den bezala jantokia muntatu, zati desberdinak sokekin lotuz.

4. Edontzia egin. Jogurt potea jantokiaren beheko aldetik irudian azaltzen den bezala zintzilikatu.

5. Tokia apaindu eta janariz eta urez bete. Apaindu nahi duzun moduan egin duzun jantokia. Apainduta dagoenean, “teilatuko” tapoitik janaria bota. Botilaren goiko zatia (buelta eman diogun zatia), janariaren biltegia izango da. Horrela, txoriei jartzen diegun janaria jaten joaten direnean, biltegian dagoen janariak beheko aldea beteko du. Bukatzeko Jogurt potea urez bete.

6. Etxe barrutik ikusgarria den leku batean zintzilikatu eta jatera joaten diren txoriak behatu eta identifikatu.

Esperimentu hau Bizilabek argitaratu du (Elhuyarren eskutik) eta Creative Commons by-sa lizentziari esker ekarri dugu ALEAra. Jatorrizkoa hemen duzu ikusgai.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide