40 urteko baso-langile bat hil da Luiaondon, zuhaitzak mozten ari zela. 11:45ak aldera gertatu da lan istripua, A625 errepidetik gertu. Larrialdi zerbitzuak bertaratu diren arren, ezin izan dute ezer egin, eta han hil da Zeanuriko (Bizkaia) herritarra.
Antza, zuhaitz batek jo du basoan lanean zebilen behargina. Helikoptero bat, bi anbulantzia eta Ertzaintzaren bi patruila bertaratu dira, baina azkenean bertan hil da langilea. Gertatutakoaren inguruko datuak biltzen ari dira.