Aurrerantzean derrigorrezkoa izango da garraio publikoa erabiltzen dutenen artean maskara erabiltzea. Hori kontuan hartuta, Euskadiko babes zibileko boluntarioek 282.000 maskara higieniko banatuko dituzte gaur eta bihar bitartean EAEko garraio publiko kolektiboaren gune nagusietan. Araban, 42.000 maskara higieniko banatuko dira; hau da, erabili eta botatzekoak.
Gasteizen Gurutze Gorria arduratzen ari da autobus-geltokian, Arababus eta Tuvisako autobus-geralekuetan, Euskotrenen tranbia-geralekuetan eta ADIFen geltokian maskarak emateaz.
Herrialdeari dagokionez, babes zibileko tokian tokiko elkarteek Euskotrenen Amurrioko eta Laudioko geltokietan, eta Gatzaga Buradon eta Gaubea herrietan eskainiko dituzte.