Arabako Foru Aldundiko Turismo Sailak bideo batean gogorarazi du lurraldeko baliabide turistikoez, ostalaritzaz eta merkataritzaz gozatzeko aukera izango dugula koronabirusaren osasun larrialdia gainditzen dugunean.
"Inoiz baino gehiago baloratuko ditugu gure ondarea eta natura, tabernak eta jatetxeak, eta tokian tokiko merkataritza", adierazi du Cristina Gonzalez Enplegu, Merkataritza eta Turismo Sustapenaren Saileko diputatuak.
Bideoak arabarren elkartasuna eta "egiten ari diren ahalegin partekatua" aitortzen ditu, eta mezu positibo bat bidaltzen du etorkizunari buruz.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.