Txokolatezko trikuak

Osagaiak:

• Gozogintzako txokolate beltza, 90 gramo
• Txokolatezko fideoak, 150 gramo
• Gurina, 140 gramo
• Almendra hautsa, 30 gramo
• Txokolate pralina, 90 gramo
• Irina, 250 gramo
• Azukre-hautsa, 70 gramo
• Arrautza bat

Errezeta:

1. Ontzi batean ondo bigundu gurina. Ondoren, gehitu azukre-hautsa.
2. Gero, almendra hautsa eta arrautza gehitu. Arrautza osorik.
3. Dena ondo nahastuta dagoenean gehitu irina. Oso garrantzitsua da berriz ere ondo nahastea guztia.
4. Lortzen duzun orearekin egin pilota bat eta bildu film paperean. Sartu hozkailuan ordubete pixka bat gogortzeko.
5. Ordubete pasatakoan atera orea hozkailutik eta pilota txikiak eginez eman triku forma. Sudurtxoa da ondo egin behar dena.
6. Sartu denak labean: 25 minutu, 190 gradu.
7. Bitartean urtu txokolatea Maria bainuan. Trikuak labetik atera eta pixka bat hozterakoan sartu txokolatean sudurtxoa ez den beste alde erdia estaliz. Segidan eta txokolatea gogortu aurretik sartu txokolatezko fideotan eta utzi lehortzen.
8. Pintzel batean laguntzarekin eta trikuen eztenak gogortzen dauden bitartean egin begitxoak eta sudur puntatxoa txokolatearekin.