Itxialdiarekin batera, sormenari bultzada bat ematen ari dira lagun asko, eta etxeko elementu gutxirekin ideia harrigarriak egin daitezkeela erakutsi dute.
ALEAn ere hori kontuan hartu dugu, eta beste lehiaketa bat prestatu dugu. Pentsa ezazue gogokoen duzuen koadro batean, eta etxetik aurkitzen dituzuen objektuekin obra hori berregin.
Gainera, bi sari zoragarri banatuko ditugu irabazleen artean: GoPro motako kamera eta ALEAko produktu sorta.
- ALEAkideen saria: erabiltzaileen artean boto gehien jasotzen duen argazkia. Irabazlearen aukeraketa boto ireki bidez egingo da, adierazitako epean; edozein herritarrek izango du botoa emateko aukera alea.eus webgunearen bitartez, eta parte-hartzaile bakoitzak hiru argazki aukeratu ahal izango ditu.
- Epaimahaiaren saria: ALEAko lantaldeak parte-hartzaile guztien artean argazki bat aukeratuko du.
Ez izan lotsarik eta bidali etxean egindako artelan pertsonalizatua eta jatorrizko obra.
Epeak
- Argazkiak bidaltzeko azken eguna apirilaren 30a izango da.
- Bozketa epea maiatzaren 1etik 5era (00:00etan) bitartean zabalik egongo da.
- Irabazleak maiatzaren 6an jakinaraziko dira, ALEA aldizkariaren ale berriarekin batera.
*Oharra: argazkiak igotzean, izen bezala koadroaren benetako izena jarri behar da.
Inspirazioa behar izanez gero, hona hemen ideiak hartzeko Instagram kontu bat: Tussen Kunst & Quarantine