Dantzan.eus atarian Eutsi Dantzan izeneko bideo sorta egiten ari dira. Fandangoa, arin-arina, zortzikoa, jauziak... eta beste dantza askori buruzko jakingarriak eta ikastaro txikiak ematen ari dira horietan.
Kalera, plazara edo dantza-gelara ateratzeko aukerarik ez izan arren, nork bere etxean dantzan aritzeko, Maurizio Elizalderen doinura, Lantzeko zein Baztango maneran zortzikoa dantzatzeko proposamena eskaini du Duguna dantza taldeko dantza-maisuak.