Materiala:
- 5 litroko ur-botila bat
- 1,5 litroko ur-botila bat
- Lastotxo bat
- Plastilina pixka bat
Nola egin?
- Guraizeez bi botilak moztu; ipurdia kenduta nahikoa da.
- Haien tapoietan, zulo bana egin behar duzu. Tresnarik egokiena zulagailu elektrikoa da, baina, horrelakorik ez baduzu, saia zaitezke zuloa puntua egiteko orratzekin egiten; haien punta berotuz, errazago zulatuko dituzu plastikozko tapoiak. Edozein kasutan, zulagailu elektrikoa ala orratza erabili, heldu baten laguntza beharko duzu. Zuloak ez du izan behar lastotxoaren diametroa baino handiagoa!
- Sartu lastotxoaren mutur bat tapoi batean, eta beste muturra beste tapoian. Zigilatu plastilinaz.
- Itxi bi botilak, eta kito! Prest duzu bozgorailua nahi duzuna lau haizetara zabaltzeko.
Nola funtzionatzen du?
Botila txikian zerbait esan, eta soinuaren uhinek lastotxoan zehar bidaiatzen dute, botila handiraino. Botila handiak anplifikatu egiten du soinua, eta ozenago ateratzen da.
Heldu baten laguntza izatea gomendagarria da.
Bizilabe gazteentzako zientzia-bizipenen labearen eskutik.