Adimen Ezintasuna duten Pertsonen aldeko Arabako Elkarteko (Apdema) langileek kudeatzen dituzten pisuetako egoera delikatua azaldu dute: adimen ezintasuna duten pertsonentzako hamaika etxebizitza kudeatzen ditu, eta hiru kasu positibo dituzte.
Horrez gain, 15 langile bajan daude, eta sintomak dituzten beste hainbat pertsona isolatzen saiatzen ari dira, zailtasun handiekin.
Lehenik eta behin, sintomak dituen egoliar guztiei koronabirusaren proba egitea eskatu du LAB, ELA eta CCOO sindikatuek osatutako enpresa batzordeak, egoliar eta langileak kutsatzea ekiditeko.
Gainera, Arabako Foru Aldundiaren zentroak prestatzea nahi dute, positibo ematen duten pertsonak bertan artatzeko, "ezinezkoa delako pertsona hauek isolatzea bizi diren etxebizitzetan". Izan ere, azaldu dutenez, hamar egoiliar bildu ohi dira 90 metro karratuko etxebizitzetan, eta logela horietako asko bikoitzak dira.
Bestalde, gaixotasuna duten pertsonentzako osasun langileak kontratatzea ere proposatu dute, Norbera Babesteko Ekipamenduak (NBE/EPI) hornitzearekin batera.