Araban arnas arazoekin lotutako sintomak dituen herritar orok beren osasun zentrora deitu beharko du zuzenean. Hala jakinarazi du Nekane Murga Eusko Jaurlaritzako Osasun sailburuak. Orain arte, Osakidetzak horretarako prestatutako telefonora deitzea zen gomendioa.
Sailburuak argitu duenez, Arabako osasun zentroen sarean, hiru zentro prestatu dira arnasketa-arazoei lotutako sintomak izan ditzaketen kasuak isolatzeko, eta prebentzio-neurri bereziekin artatzeko. Oraingoz, Araban hartu duten neurri bat baino ez da.