Presoak harremana izan zuen Gasteizko Txagorritxu ospitalean zaintza lanetan ari zen ertzainarekin. Beste preso batekin isolamendu prebentiboan jarri zuten Arabako espetxeko erizaindegian.
Asteburu honetan hasi zen sukarra bezalako lehen sintomak agertzen, eta, beraz, berehala eraman zuten ospitalera, aurretiazko patologiak zituelako. Lehenengo proba batean negatibo eman zuen, baina bigarrenean positibo eman zuen; isolatuta dago orain.
Ertzainak positibo eman ondoren, harekin harremana izan duten pertsonen jarraipena egin dute osasun-agintariek; eta Zaballako espetxeko bi preso behaketan egon dira espetxeko erizaintzan.
Gaur egun, 720 ziega ditu Zaballak, eta 1.000 preso baino gehiagorentzako tokia du. Espetxe Erakundeetako Idazkaritza Nagusiak Madril, Araba eta Errioxako espetxeetarako sarbideak murrizteko jarraibideak bidali ditu asteartean, koronabirusa geldiarazteko prebentzio neurri gisa.