Txagorritxuko ospitalean zegoen 90 urteko arabarra, Eusko Jaurlaritzako Osasun sailak jakinarazi duenez. Bakartuta zegoen azken egunetan, koronabirusa antzeman ziotelako.
Gasteizko hildako lagunarekin, bi dira dagoeneko Euskal Herrian koronabirusarekin hildakoak; neumoniarekin Barakaldoko erietxean zegoen joan den asteazkenean hil zen gizona. Gainera, 25 kasu berri antzeman dituzte, horietatik 20 Araban.
Prebentzio neurriak
Osasun sailak koronabirusaren aurrean jarduteko informazioa eta gomendio orokorrak argitaratu ditu webgunean. Horrez gain, herritarrei zuzendutako irizpideetan, sintomak nabarituz gero –eztarriko mina, arnasa hartzeko zailtasunak, eztula...– edota koronabirus kasu ugariak egondako leku batean izan ostean, osasun zerbitzuekin harremanetan jartzea eskatu dute.
Sintomarik izatekotan, etxean geratu eta 900 20 30 50 telefonora deitu behar da. Ez da, inolaz ere, Osasun Zentrora joan behar.