Maite Ruiz de Austri zinemagilea izango da San Prudentzio eta Estibalizko jaietako pregoilaria. Animazio pelikuletan ibilbide oparoa egin du Ruiz de Austrik 25 urtetan, eta hamaika sari jaso ditu egindako lanagatik, hainbat Goya sari tartean. Ekoizlea izatearekin batera, animazioko zein fikziozko telebista serie eta dokumentalen gidoilari eta zuzendaria ere izan da.
Arabako Diputazioak haren ibilbidea saritu nahi izan du, eta ikus-entzunezkoen alorrean "berdintasunean errefente" dela nabarmendu du. Besteak beste, Emakume Zinemagileen Elkarteko (CIMA) bazkide sortzaileetako bat izan zen; zinema munduan emakumeari bultzada bat emateko sortu zen elkartea. Eta Espainiako Zientzia eta Arte Zinematografikoen kide ere bada. Besteak beste, Animal Channel, La bola dorada eta Ipar Haizearen Erronka animazio filmak ekoitzi ditu.