Gasteizko mendizale bat hil da gaur Nafarroako Beriain mendian, Unanua herritik gertu. Erorikoa izan du eta 12:55etan jaso dute abisua Nafarroako Larrialdi Zerbitzuek. Mikel R. D. da hildakoa, 34 urtekoa.
Foruzainak eta suhiltzaileak bertara joan dira erreskate lanetarako, baina ezin izan dute gaztearen bizia salbatu. Hilotza Arbizuko kanpinera eraman dute helikopteroz 16:15ean, eta handik Auzitegi Medikuntzako Nafarroako Institutura eraman dute autopsia egiteko.