Linea elektrikoak dira Bonelli arranoaren mehatxu nagusia

Bonelli arranoaren mehatxu nagusi bihurtu dira linea elektrikoak. / Argazkia: Alea

Linea elektrikoak mehatxu nagusi bihurtu dira Bonelli arranoarentzat eta Foru Aldundiak enpresa elektrikoak arazoaz sentsibilizatzea nahi du.

Arabako Foru Aldundiak linea elektrikoak konpondu nahi ditu, hegaztiak elektrokutatu ez daitezen. Sentsibilizazio kanpaina abiatu du Ingurumen Sailak, bideo baten bitartez.

Era berean, linea elektrikoek hegaztiengan dituzten inpaktu larriei irtenbide eraginkorrak bilatzeari ekin dio Aldundiak. Besteak beste, Nafarroan dagoen linea elektriko bat konpontzea lortu berri du; izan ere, Europako Life Aquila proiektuari esker sartutako txitak bertan egon ohi dira. Erabaki honek hegazti hauen biziraupena bermatu du.

Horrez gain, kontzientziazio kanpaina hasi zenetik, linea elektriko gehiago konpondu dira, hala nola: Santa Cruz del Fierron, Ircion, Berantevillan, Zambranan, Guardian, Samaniegon edo Ozion.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide