Goizeko hamaiketan helduko dira gaur Errege Magoak Gasteizko tren geltokira. Plaza Berritik 11:20ean igaro eta gasteiztarrak agurtu eta gero, Goiuri Jauregira joango dira haurren kartak jasotzeko asmoarekin.
19:00etan Erregeen desfile handia ospatuko dute, erdialdeko kale nagusienetatik igaroko dena. Bilbao plazan hasiko da, eta Legutioko atean amaituko da ibilbidea. 300 lagunek parte hartuko dute kabalgatan.