Baskoniak atzo jakinarazi zuen Velimir Perasovic entrenatzailearekin zuen kontratua bertan behera uzteko hartutako erabakia. Bere ordez, Josep Maria Berrocalek, orain arteko bigarren entrenatzaileak, hartuko du taldearen gidaritza. Lehen erronka igandean bertan izango du, San Pablo Burgosen aurkako lehian.
“Bere profesionaltasuna eta egindako lana” eskertuta agurtu zuen taldeak Perasovic, bide batez “arlo profesional zein pertsonalean zorterik onena” opatuz.
Entrenatzaileak bere aldetik "taldeak aldaketa behar duela” ulertzen duela adierazi zuen eginiko agerraldian, eta bere aldetik ere “dena ondo joan dadila” opa zion taldeari.