Araba Erdialdeko, Arabako Errioxako eta Aiarako lineak –1 eta 16 artekoak–, Gasteiz, Miranda Ebro eta Durango lotzen dituztenak –18 eta 19 lineak–, eta eskualdeko garraioko linea guztiak doakoak izango dira igande honetan.
Bide Azpiegituren eta Mugikortasunaren saileko foru diputatu Javier Hurtadok azaldu duenez, neurri horren bidez "foru garraio publikoaren erabilera sustatu nahi da norberaren autoa ordezkatzeko, mugikortasun jasangarriaren alde Europan ezarritako politiken ildotik".
Hurtadok argitu duenez, aurtengo lehen seihilekoan, 557.000 lagunek baino gehiagok erabili dute foru garraio publikoa. Hau da, 2018ko aldi berean baino %6,4 lagun gehiago.