Udazkenerako hainbat lan aurreikusten dira Euskaraldian, eta horien berri emateko lurralde foroak antolatu dituzte herri batzordeetako kideentzat. Helburua urte amaiera arteko egiteko, mugarri eta ekitaldiak azaldu eta elkarbanatzea da, sustatzaileek azaldu dutenez. Besteak beste, herri batzordeak abian jarriko dituzte, entitateei Euskaraldian parte hartzeko gonbita prestatuko dute eta abenduko kale ekintza antolatuko dute.
Euskaraldiaren Arabako foroa hilaren 17an elkartuko da Gasteizen, 18:00etan, Oihaneder Euskararen Etxean. Foroetara joateko asmoa dutenek, aldez aurretik eman behar dute izena, galdetegi baten bitartez. Izena emateko galdetegian foro hauetan landu nahi diren gaiak proposatzeko aukera izango da.