Araban 673 langabe gehiago izan dira abuztuan

Langabe gehiago daude Araban. ALEA

19.540 langabe daude guztira herrialdean.

EAEko enpleguko zerbitzu publikoek 673 langabe gehiago erregistratu zituzten joan den abuztuan Araban, aurreko hilarekiko (+%3,57), eta guztira 19.540 daude. Aitzitik, 2018ko abuztuan baino 501 gutxiago (-%2,50) dira. Espainiako Enplegu eta Gizarte Segurantza Ministerioak eman du datua, gaur bertan.

Euskal Autonomia Erkidegoko datu orokorrari begiratuta, nabarmendu daiteke abuztuan erregistraturiko 116.078 langabeen artean, 66.721 emakumeak direla, eta 49.457 gizonak; gainera, 7.608 langabe 25 urtetik beherakoak dira, eta gainontzeko 108.470ak adin horretatik gorakoak. Halaber, iraupen luzeko langabeen taldean %12,47ko murrizketa izan da (687 gutxiago), eta iraupen laburrekoen taldean %0,28ko gorakada.

 

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide